للتقاعد فى دبى !

الناس عالقهوة بتتكلم . واشاركهم كلامهم اكيد . لكن احب اسمعهم اكثر. سمعت اليوم صديق صديق إنضم للشلة حديثاً. كان بيحكى عن تأشيرة التقاعد فى دبى

للتقاعد فى دبى !
للتقاعد فى دبى !

ياأخى مخهم شغال ماشاء الله عليهم .. دبي !. قرأت اليوم أنهم بدأوا العمل بفيزا جديدة للتقاعد فى دبى وذلك يسمح بإقامة لـ 5 سنوات قابلة للتجديد

بس بشرط السن يكون فوق 55 سنة

عز الطلب طيب وباقى الشروط أيه ولا مفيش ؟ لحد كده أنا جاهز للسفر من إمبارح

رد صديقنا الجديد . إصبر على رزقك بس شويه جايلك فى الكلام

وتابع قائلا هل راتبك الشهرى يعادل 5500 دولار بالمعاش ؟

وحياتك ولا على رأس العمل أو فى عمرى كله شفت المبلغ ده . بتقول بالمعاش ؟

بلاش الشرط ده . هناك شروط بديلة

ذى أيه سديت نفسى !!

عندك رصيد مدخر بما يعادل 275 ألف دولار ؟ يعنى حوالى مليون درهم إماراتى؟

تشرب شاى ولا قهوة ونكمل الحكايه

هاتلى ينسون أحسن

ينسون يابنى من عندك

وهناك شرط بديل لمن ليس لديه هذا المبلغ المدخر كرصيد كاش .

قول ياسيدى إشجينا

أن يكون لديك ملكية عقارية مثلا بيت . شقة. أو فيلا فى دبى بقيمة 2 مليون درهم إماراتى أى مايعادل 550000 دولار أميركى

أيه رأيكم . والله فرصة وناس عقلها شغال ودى دبى . حيث كل يوم جديد تحبه أو ستحبه أو على الأقل ستعجب بيه ؟ . أيه رأيكم مين حيقدم على الفيزا الجديدة الإقبال شديد حقيقى ومن كل أنحاء العالم والمجال مفتوح لكل الجنسيات

خليهم 2 ينسون يابنى والا ايه رأيكم أطلبلكم كلكم ينسون !!